Lòt

José Mourinho kritike Galatasaray ki ap pran fòs gras ak abit pou kenbe tèt chanyona Tiki a. Ansyen antrenè Real Madrid la fè kritik sa a ayè lendi an apre match Galatasaray-Fenerbahçe a.

Special One lan ki rejwenn ekip Fenerbahçe a pou kòmansman sezon sa a, pa sispann kritike kò abitral chanpyona Trendyok Super Lig la nan peyi Tiki.

Premye fwa li te di si li te konnen chanpyona a te konronpi konsa li pa t ap janm vini nan chanpyona a.

Fwa sa a Special One lan fè yon lòt kout bèk sou abit yo ankò aprè match yo jwe jodi a kont Galatasaray la.

"Si Galatasaray vle di (se mwen ki pi fò, nou se yon ekip chanpyon), yo dwe mande yon abit etranje pou chak match yo. Nou tout te wè sa ki te pase lè te gen yon abit etranje. Paske yo te elimine nan konpetisyon ewòp la kont nou sou pwòp tèren yo, yo te fè yon sèl chout". José Mourinho.

N ap raple pa twò lontan yon match ant Galatasaray ak Adanispor te kanpe akoz eskandal abit.

Pou match kont Fenerbahçe a yo deplwaye anviwon 30 000 polisye pou sekirize piblik la.

KÒMANTÈ

Dènye atik yo