Lòt

Antrenè pòtigè a José Mourinho pran yon sanksyon 2 match pou koze pawòl rasis aprè match kont Galatasaray la.

Federasyon peyi Tiki sanksyone antrenè ekip Fenerbahçe a José Mourinho akoz yon seri deklarasyon yo jije ki gen sans rasis.

Nan okazyon match retou Trendyol Super Lig la nan peyi Tiki ant ekip Fenerbahçe a ak ekip Galatasaray la, Mourinho ki abitye kritike abit yo nan chanpyona a te bay yon kout bouch kont katriyèm abit la.

"Mwen te ale nan vestyè abit yo aprè match la, te genyen katriyèm abit la epi mwen di l si se li ki te abit prensipal, match la pa t ap bon ditou" deklarasyon José Mourinho.
Pawòl ki pral fè yo plis sanksyone Special One lan se lè l di: "Ban Galatasaray la sote tankou makak" pou l te eksprime l sou yon desizyon abit la te pran.

Pou rapèl pou match sa a federasyon Tiki a te fè apèl ak yon abit etranje ak yon bon dispozitif sekirite.

KÒMANTÈ

Dènye atik yo