Mondyal

Lionel Messi k ap rantre nan fen karyè foutbòl li kapab vini sèl grenn jwè foutbòl ki patisipe nan 6 Koup Dimond pandan tout listwa jwèt la. Cristiano Ronaldo k ap genyen 40 ane sa, kapab bat rekò sa egalman.

Lionel Messi k ap rantre nan fen karyè foutbòl li kapab vini sèl grenn jwè foutbòl ki patisipe nan 6 Koup Dimond pandan tout listwa jwèt la. Cristiano Ronaldo k ap genyen 40 ane sa, kapab bat rekò sa egalman.



Atakan ajanten an ki pratikman pa gen anyen pou l pwouve nan jwèt sa ankò depi li te fin ranpòte mondyal 2022 an, bay tèt li dènye defi sa ki se patisipe avèk seleksyon Ajantin lan nan Koup dimond 2026 lan.



Enfòmasyon sa vini nan bouch antrenè Albiceleste an, Lionel Scaloni, ki pa kache detèminasyon Pulga a genyen pou ta patisipe nan mondyal 2026 k ap fèt a 48 ekip nan twa peyi Amerik Dinò yo.



« Premye sa nou kapab di, li menm ak koyekipye l yo konsyan rete anpil tan toujou, e yo vle jwe Koupe dimond lan. Men pou sa rive, fòk nou kapab swiv evolisyon tan an epi kijan n ap rive », deklarasyon Lionel Scaloni nan mikwo DSports.



Aprè mondyal 2022 an, Lionel Messi ak Cristiano Ronaldo ta pral rantre nan yon sèk trè fèmen ki genyen Gianluigi Buffon, Rafael Marquez, Lothar Matthäus, Antonio Carbajal, Andrés Guardado, Guillermo Ochoa kòm sèl jwè ki jwe 5 Koup Dimond.

KÒMANTÈ

Dènye atik yo