FIFAMondyalMondyalClubAmikalLòt
AKÈY FIFA Mondyal

Mondyal

Non vwazen nou yo pa prale nan Mondyal U17 la nan peyi Kata

imaj atik la

16 fevriye 2025   Steve Pierre   512

Repiblik Dominikèn pa rive jwenn kalifikasyon pou Koup Dimond U17 2025 la. Aprè yo te kòmanse eliminatwa yo ak de (2) viktwa, dominiken yo tonbe (2-1).devan Panama epi fini dezyèm nan gwoup G an ak 6 pwen. Sa vle di yo pa prale nan peyi Kata


Seleksyon dominikèn U17 la te byen demare konpetisyon an ak yon viktwa (1-0) sou Awouba jou ki te 10 fevriye a. De (2) jou aprè, yo te kraze Grenad (4-0) epi mete yo nan bon pozisyon pou kalifye. Men, final la te mal pase pou yo. Panama, ki te deja genyen de (2) match li yo, mete yo deyò ak yon viktwa (2-1).



Nan lòt match gwoup la, Awouba te bat Grenad (2-0), sa ki mete dominiken yo nan dezyèm plas la. Panama, ki ranmase 9 pwen ak 3 viktwa nan 3 match, fini an tèt epi l ap kontinye wout Kata a.



Avèk rezilta sa yo, Repiblik Dominikèn pa prale nan Mondyal la se Panama k ap reprezante gwoup G a. Dominiken yo te espere fè listwa, men echèk sa a montre gen anpil travay ki rete pou yo fè nan fòmasyon jèn yo si yo vle rive pi lwen nan kategori sa yo.



Kounye a, tout je fikse sou lòt gwoup yo pou konnen kiyès k ap akonpaye Panama pou faz final Koup Dimond lan.

KÒMANTÈ

Nouvo kòmantè

Si ou vle resevwa notifikasyon sou kòmantè sa )