Ligue1

Olympique Marseille ki tonbe ayè samdi an fas Auxerre nan okazyon 23èm jounen Ligue 1 an (0-3), lage chay lan sou do abitraj lan ki pa t reponn pou match la. Yon match ki leve plim sou do maseyè yo.

Maseyè yo ki jwe 30 dènye minit yo a 10 kont 11 aprè defansè kanadyen an, Derec Cornelius, te pran yon katon wouj nan 63èm minit, move kou kong sou jan abit yo te mennen match lan.

Pou antrenè OM lan, Roberto De Zerbi, katon wouj Cornelius lan se yon skandal. Kanadyen an te deyò nan match lan aprè l te resevwa de katon jòn.

«Mwen se italyen, aprè Olympique Marseille m ap retounen lakay mwen an Itali, pou nou fransè, se yon pwoblèm », deklarasyon li fè nan mikwo Laprès aprè match la, ki te tou salye viktwa Auxerre lan.

Pablo Longoria menm ale pi lwen pou kalifye sa k pase nan match sa de koripsyon. « Pandan 20 lane karyè m, m potko janm wè yon bagay konsa. »

Gadyen ajanten Olympique Marseille lan, Geronimo Rulli, te reyaji tou aprè match sa kote l fè konprann abit yo pa konn anyen nan foutbòl.

KÒMANTÈ

Dènye atik yo