Jorge Sampaoli pèdi djòb li nan tèt ekip Stade Rennais an akoz yon seri move rezilta. Klèb Ligue 1 an mete fen nan kolaborasyon sa 2 mwa sèlman aprè antrenè ajanten an te pran kòmand lan.
Jorge Sampaoli pèdi djòb li nan tèt ekip Stade Rennais an akoz yon seri move rezilta. Klèb Ligue 1 an mete fen nan kolaborasyon sa 2 mwa sèlman aprè antrenè ajanten an te pran kòmand lan.
Nan yon kominike piblik, Stade Rennais anonse ofisyèlman separasyon li ak Jorge Sampaoli ki pa t reyisi mete klèb lan nan yon bon pozisyon nan klasman Ligue 1 an. Aprè 20 jounen konpetisyon, Rennes twouve li nan 16èm pozisyon.
« Nan tèt ansanm, Stade Rennais ak Jorge Sampaoli ki te antrenè ekip pwofesyonèl la mete fen nan kolaborasyon an », sa nou kapab li nan kominike sa ki pibliye sou sit entènèt klèb lan.
Nan menm kominike sa, Stade Rennais eksprime rekonesans li pou kokennchenn eksperyans pwofesyonèl antrenè ajanten an epi swete l siksè pou lòt etap l ap gen pou franchi nan karyè l.
Pou ranplase Jorge Sampaoli, Stade Rennais nonmen ansyen antrenè Newcastle lan, Habib Beye, ki genyen 47 lane, pou pran tèt ekip la jiska fen sezon an, avèk posibilite pou pwolonje kontra a si kondisyon ki fikse yo reyini.
Pa rate nouvèl ak analiz sou foutbòl an Kreyòl gras ak nou