SerieA

Rezime kontinyite 23èm jounen chanpyona Itali a

23èm jounen chanpyona Itali a te kontinye dimanche de (2) fevriye a, 4 match te jwe, Juventus VS Empoli, Fiorentina VS Genoa, Milan VS Inter Milan, AS Roma vS Napoli.



Byen bonè nan maten Juventus stadium nan te akeyi match Juventus t ap jwe ak Empoli, match la fini 4-1 an favè Juventus, Alansyen defansè Juventus la Mattias De Sciglio te ouvè eskò a pou Empoli nan 4èm minit, Kolo Muani ki jwe dezyèm match li nan ekip la fè 2 gòl nan 3 minit, 61 ak 64èm minit, Vlahovic te fè gòl nan 90èm minit, Francisco Conceiçao te fè 4èm gòl Juventus la nan 90+4 minit.



Estad Artemio Franchi te akeyi match Fiorentina te jwe fas Genoa, match sa fini 2-1 anfavè Fiorentina, Moïse Kean te ouvè eskò a nan 9èm minit pou pwofite make 13èm gòl li nan chanpyona pou 21 match jwe, Gudmundsson te mete match la 2-0 nan 30èm minit, De Winter te redwi eka nan 50èm minit, viktwa sa mete Fiorentina nan 5èm plas klasman de manyè pwovizwa a 39 pwen l ap tann rezilta match Lazio a pou pran vrè plas li.



San Siro a te resevwa dèbi milanè a, match la fini 1-1. Reijnders te ouvè eskò a pou Milan AC nan 45èm minit, De Vrij te egalize pou Inter Milan nan 90+3 minit, nan match sa Inter te frape 3 boul sou poto, Yan Bisseck 67èm minit, Marcus Thuram 82èm minit epi Dumfries 90+1 minit, Var retire yon gòl Lautaro Martinez te fè nan 7èm minit akòz te gen fot sou aksyon an, 33èm minit yon lot gòl te retire pou Barella.



Napoli rate okazyon pou te vole piwo devan Inter sou teren Olimpico a lè l fè 1-1 ak AS Roma. Spinazzola te ouvè eskò a pou Napoli nan 29èm minit, Tasende te egalize pou Roma nan 90+2 minit.



Aprè match yo klasman an ale konsa: Napoli nan tèt klasman an ak 54 pwen, Inter dezyèm ak 31 pwen, Atalanta 3èm ak 47 pwen, Juventus 4èm ak 40 pwen, Fiorentina 5èm ak 39 pwen li ap tann rezilta match Lazio ap jwe ak Cagliari pou fen 23èm jounen chanpyona pou konnen vrè plas li.

KÒMANTÈ

Dènye atik yo