ChampionsLeague

Pou sezon sa a, Feyenoord kòmanse kreye bèl sansasyon nan Champions League la. Premye kote Feyenoord demontre yon prestasyon anraje se nan 3èm jounen faz gwoup la.

Nan chak sezon Champions League toujou genyen yon ekip ki pa twò genyen gwo non ki toujou kreye sansasyon. Pou sezon 2020 an ekip sansyon an se te Atalanta, li te rive jwenn bout li nan 1/4final se PSG ki te jwenn bout li. Nan sezon 2021 an Chelsea se te veritab foli a, yo te kontinye jouk yo ranpòte twofe a sou Manchester City ki pa t manje anyen ki frèt nan sezon sa. Nan lane 2022, Villareal se te sansasyon an. Soumaren jòn yo te menm rive nan demifinal, men se Liverpool ki te mete yo deyò.



Veritab ekip ki te kenbe atansyon moun nan zafè sansasyon se Ajax sezon 2018/19 la. Ekip sa te rive kase dan l jouk nan demifinal. Malgre yo te genyen yon avans 2 gòl men ak yon gwo Lucas Moura, Tottenham ta pral mete yo deyò. Ekip sa te maltrete Real ak yon 4-1 aprè Real te fin bat yo 1-2. Se te yon brèf rapèl sou sansasyon yo.



Pou sezon sa a, Feyenoord kòmanse kreye bèl sansasyon nan Champions League la. Premye kote Feyenoord demontre yon prestasyon anraje se nan 3èm jounen faz gwoup la. Yo te jwe l kont Benfica ki se youn nan abitye nan Champions League la, yo te klase l sou pwòp bout tè yo nan peyi Pòtigal 1-3. Anvan match sa yo te gentan korije Girona sou ti bout tè Espay la 2-3. Nan match sa presyon atak ekip Feyenoord la te tèlman wo, yo te fè jwè Girona yo fè 2 gòl kont kan yo.



Match ki ta pral mete limyè sou yo nèt la, se match kont Manchester City a. Kote ekip Guardiola a te mennen 3-0, men yo te rive egalize nan match la e jwenn grenn pwen an. Yo te rayalize gwo eskplwa sa a nan 15 dènye minit yo nan match la. Aprè sa lòt match ki ta pral konfime yo manje gèp ankò se ta pral match kont Bayern lan. Yo korije kaye Vincent Kompany. Yo di Konpany chita pou olandè moutre w foutbòl. Yo pase bavawa yo 3-0. Malgre bèl eksplwa sa yo, yo te fini 19èm nan faz gwoup la.



Rive nan baraj yo al mete ekip AC Milan an ki se yon gwo tole nan zafè Champions League deyò. Yo te bat Milan 1-0 nan match ale a, nan match retou a yo bat yo jere match nil la epi chavire bato italyen yo pou yo ka kontinye rèv yo nan Champions League la.



Ekip Feyenoord la ap reyalize yon bèl sezon nan Champions League la ane sa.

KÒMANTÈ

Dènye atik yo