ChampionsLeague

Atalanta pèdi match ale pleyòf Ligue des Champions an kay ekip Club Brugge a. Rezilta sa ka kote yon move gou nan bouch yo lòt semèn.

Nan okazyon baraj Ligue des Champions an ekip Atalanta te afwonte ekip Club Brugge la Madi 12 fevriye a, Atalanta tonbe 2-1 nan estad Jan Breydel nan peyi Bèljik. Se premye match de ekip yo jwe nan tout istwa yo, se premye viktwa ekip Club Brugge la sou yon ekip italyen nan 15 dènye match li te jwe anvan match sila li te fè 6 nil pou 9 defèt.



Entènasyonal espayòl la Ferran Jutglà ki genyen 26 lane te mete ekip Atalanta a an difikilte nan 15èm minit aprè Chemsdine Talbi te ba l yon pas 1-0. Atalanta te egalize nan 41èm minit aprè entènasyonal kowat la Mario Pasalic te mete yon kout tèt.



Match la te sou wout pou fini nil, nan yon dyèl nan sifas reparasyon ekip Atalanta a ant defansè syedwa Isak Hien fas ak konpatriyòt li nan seleksyon Gust Nilsson, jwenn yon penal aprè yon fot ki sifle an favè Club Brugge nan 90+3 minit. Nilsson te transfòme penal la pou mete match la 2-1. Match retou a ap jwe madi ki ap vini an pou konnen kiyès ki ap jwenn tikè pou 8èmdefinal.

KÒMANTÈ

Dènye atik yo