Bundesliga

Aprè yon sezon nan peyi Almay kote klèb Borussia Dortmund lan te fini nan 5èm plas Bundesliga, ekip la te deside fè acha pou ranfòse efektif la. Pou sa, dirijan BVB ki te bezwen yon san nèf nan pwent atak la, te fè chwa achte Serhou Guirassy ki koute yo 18 M€ nan mwa jiyè 2024 la. Atakan kontinan afrik la ki t ap evolye andan klèb VfB Stuttgart la, te rejwenn jòn e nwa yo pou pote sipò li ak yo.

Aprè yon sezon nan peyi Almay kote klèb Borussia Dortmund lan te fini nan 5èm plas Bundesliga, ekip la te deside fè acha pou ranfòse efektif la. Pou sa, dirijan BVB ki te bezwen yon san nèf nan pwent atak la, te fè chwa achte Serhou Guirassy ki koute yo 18 M€ nan mwa jiyè 2024 la. Atakan kontinan afrik la ki t ap evolye andan klèb VfB Stuttgart la, te rejwenn jòn e nwa yo pou pote sipò li ak yo.

Depi lè li entegre ekip la, Gineyen an pa rate okazyon pou li kreye sansasyon a chak fwa li posib pou li.

Jodi a, nan jounen ki te pèmèt klèb BVB a resevwa Union Berlin an, Dortmund fè yon malè sou 13èm nan chanpyona a. Gras ak atakan yo Guirassy, jòn yo pase vizitè yo 6-0 pou pwogrese nan klasman.

Avèk 4 gòl li make nan 6 la, atakan gineyen an ap deja pati pou yon bèl sezon ak ekip la malgre 10èm plas li okipe nan klasman Bundesliga a.

Serhou ki te kòmanse sezon 2024-2025 lan ak klèb la nan Ligue des champions an, gentan ak 10 gòl sou 10 match epi 13 gòl pou 20 match jwe nan chanpyona Alman.

Aprè pasaj li nan plizyè klèb tankou Stade Rennais, Lille, FC Köln pou n site sa yo sèlman, ansyen jwè VfB Stuttgart la, deja pati pou yon bèl paj nan karyè l ak istwa foutbòl.

KÒMANTÈ

Dènye atik yo