Ekspatriye

Se yon non nou dwe kòmanse abitye avèk li paske Keisha Maranaelle Gue reprezante avni seleksyon nasyonal ayisyèn feminen an si toutfwa li pa ta kanpe nan pwogresyon li. A 15 lane, jèn jwez sa deja montre anpil kalite ki kapab itil ekip nasyonal la nan ane k ap vini yo.

Se yon non nou dwe kòmanse abitye avèk li paske Keisha Maranaelle Gue reprezante avni seleksyon nasyonal ayisyèn feminen an si toutfwa li pa ta kanpe nan pwogresyon li. A 15 lane, jèn jwez sa deja montre anpil kalite ki kapab itil ekip nasyonal la nan ane k ap vini yo.

N ap raple, jèn atakan bèl longè sa deja pote koulè seleksyon nasyonal la kote l te patisipe nan mwa dawout 2024 nan Concacaf U-15 feminen an nan yon ekip ki te rate konplètman konpetisyon sa ki te jwe nan peyi Meksik. Malgre echèk kolektif sa, Keïsha pa t pase inapèsi, malgre li te rejwenn ekip lan byen ta.

Sèl grenn binasyonal ki te nan seleksyon U-15 sa, Keïsha Maranaelle Gué ta pral benyen pou premye fwa nan anbyans seleksyon nasyonal ayisyèn lan. Sa ki pou li se yon rèv ki vin reyalite, pandan l ap tann lòt opòtinite pou ta kapab kontinye reprezante Ayiti, peyi kote papa l fèt.

Avèk pwogresyon li nan anviwònman kote l ap evolye an, jèn atakan sa ta dwe youn nan prensipal zam pwochèn ekip nasyonal U-17 feminen an k ap genyen pou jwe eliminatwa mondyal pandan ane 2026 lan.

Annatandan nou vini avèk lòt enfòmasyon ki konsène jwez sa, nou envite w swiv li sou tout medya sosyal kote l ye yo pou w kapab dekouvri plis jèn talan sa.

KÒMANTÈ

Dènye atik yo