PremyeDivizyon

Nan match ki te mete Juventus des Cayes fas America des Cayes pou gran dèbi kayen an, 2 fòmasyon yo fini sou yon eskò nil (1-1) pou dezyèm jounen chanpyona nasyonal espesyal la.

Nan match ki te mete Juventus des Cayes fas America des Cayes pou gran dèbi kayen an, 2 fòmasyon yo fini sou yon eskò nil (1-1) pou dezyèm jounen chanpyona nasyonal espesyal la.

Pou rankont sa, nou ka pale sou koze deplasman piblik la fè pou vin sipòte klèb kayen yo. Sa ki parèt eksitan, se fason espas yo te ranpli ak tizè bèl boul yo. Nou konprann kijan sa te kapab sou tout teritwa a si te gen sekirite.

Lè nou pran tan pou nou eseye analize oubyen admire piblik sa, nou konprann a ki nivo lanmou foutbòl la ap manifeste lakay chak grenn pasyone ki te fè deplasman pou vin sipòte ekip yo prefere a.

Youn nan fè ki fè nou kapab di yon dèbi rete yon dèbi, se fason fanatik yo te aksepte soufri pou rive achte tikè ki bay aksè ak espas la. Sou menm koze sa, nou ap fè apèl ak responsab klèb yo pou eseye pi byen planifye sa. Sa vle di, yo genyen konesans piblik la ap deplase an foul vin aplodi ekip yo oubyen jwè pa yo, dirijan klèb yo te dwe mete tikè disponib pou fanatik yo te kapab evite pouse youn lòt nan lide pou fè acha tikè a.

Si se nan gichè yo ap vann li, fòk yo ta okipe 2 ou twa espas ki pou pèmèt moun yo jwenn sèvis la san pwoblèm epi evite bare wout la. Malgre tout sa yo, fanatik foutbòl nan Okay te reponn prezan pou gwo randevou sa ki te ede anpil moun amize yo.

Nan sans sa tou, nou ap felisite 2 fòmasyon yo, spesyalman klèb Juventus la ki te bay gou ak tout moun pou anvi gade match la. Fanatik Juventus e fanatik America te montre gen lanmou ak tèt ansanm menm si yo chak genyen ekip pa yo. Men yo te chwazi kwè nan tèt ansanm nan.

KÒMANTÈ

Dènye atik yo