AYITIPremyeDivizyonDezyemDivizyonSeleksyonNasyonalEkspatriyeLòt
AKÈY AYITI PremyeDivizyon

PremyeDivizyon

Antrenè Tempête FC a fè yon gwo kout kreyon nan dèbi Senmak la

imaj atik la

31 mas 2025   Benswilkenson Jean   423

Chanpyona nasyonal espesyal la sou dezyèm jounen l. Nan okazyon an Tempête FC ak Baltimore SC t ap twoke kòn yo pou yon 96èm fwa nan dèbi Senmak la.


Se youn nan dèbi ki pi ansyen nan chanpyona nasyonal la. Baltimore te domine prèske tout match la. Gras ak yon bon Charles Guyto anba kan ekip Tempête a, sa te lakoz bagay yo pa t pi mal pou yo.

Baltimore te jwenn ouvèti eskò a nan 35èm minit sou pye Alex Rampart.

Nan tout fen match la, Rolph Odson Joseph jèn antrenè ekip Tempête la pral rale yon dènye bon zèl kat. Fwa sa li monte avèk Rosemond Olive yon jèn jwè ki pral chanje match la.

Olive make gòl egalizasyon an pou ekip Tempête la nan 90+2 minit. Yon gòl ki pèmèt ekip la rache grenn pwen an nan dèbi an.

Pou kounye a Tempête FC pran dezyèm pwen l nan chanpyona a paske yo te fè match nil fas Triomphe AC nan premye jounen an.

Pou kounye a se yo ki dezyèm nan do Baltimore SC ki genyen 4 pwen nan tèt klasman an, Tempête FC genyen 2 pwen epi Triomphe 1 pwen.

KÒMANTÈ

MyName 31 mas 2025, 7:31 PM
qrFOqiw OdIqfTDV kLLO Oyt
    

Nouvo kòmantè

Si ou vle resevwa notifikasyon sou kòmantè sa )