SeleksyonNasyonal

Seleksyon ayisyèn U-17 feminen an ap kapab konte sou sèlman 15 jwez pou premye match li nan eliminatwa Concacaf U-17 lan akoz rès delegasyon an rete bloke an Ayiti akoz sousi administratif.

Seleksyon ayisyèn U-17 feminen an ap kapab konte sou sèlman 15 jwez pou premye match li nan eliminatwa Concacaf U-17 lan akoz rès delegasyon an rete bloke an Ayiti akoz sousi administratif.

Ayiti k ap kòmanse konpetisyon an jodi lendi 31 mas lan, genyen nan efektif li an 15 jwez ki sòti nan peyi Kanada ak Etazini, ki pare pou defann koulè ekip nasyonal la nan eliminatwa sa k ap jwe nan peyi Meksik.

Seleksyon nasyonal la ki manke fè fòfè nan konpetisyon an akoz sousi administratif sa yo, finalman ap jwe eliminatwa yo, gras ak yon gwo mobilizasyon kominote entènasyonal la anfavè seleksyon an.

Efektif lan ki te sipoze genyen 21 jwez, redwi a sèlman 15, akoz 6 jwez ki rete bloke Ayiti poutèt otorizasyon yo pa rive jwenn bò kote otorite dominikèn yo pou ta fè tranzit ale Meksik pou rejwenn rès delegasyon an.

N ap raple, Ayiti nan gwoup A a avèk Kostarika, Bèmid epi Meksik. Nan fòma sa, twa premye nan chak gwoup yo ap kalifye epi meyè dezyèm lan ap pran katriyèm plas kalifikatif pou mondyal U-17 feminen an k ap jwe nan peyi Mawòk.

KÒMANTÈ

Dènye atik yo