Ekspatriye

Jodi dimanch lan, chanpyona D3 polonè a t ap pouswiv pakou l avèk 19èm jounen an. Nan rankont ki te planifye ant klèb Wilde-Donald Guerrier a ak Śląsk Wrocław II a, devan piblik yo, Hutnik Cracovie ki ap konnen yon move moman san viktwa, resi rale yon souf ki fre aprè plizyè rankont difisil.

Jodi dimanch lan, chanpyona D3 polonè a t ap pouswiv pakou l avèk 19èm jounen an. Nan rankont ki te planifye ant klèb Wilde-Donald Guerrier a ak Śląsk Wrocław II a, devan piblik yo, Hutnik Cracovie ki ap konnen yon move moman san viktwa, resi rale yon souf ki fre aprè plizyè rankont difisil.

Anvan match 19èm jounen an, klèb grenadye a fè fas ak yon sitiyasyon ki kapab koute yo chè nan fen sezon an. Sou 10 dènye match klèb Hutnik lan te jwe nan tout kalite konpetisyon yo anvan sa jodi a, ekip la pa t rive konnen menm yon sèl grenn viktwa pou espere detache l ak klèb relegab yo.

Olye sa te fèt, se plis defèt ki vini pou yo e ki plonje yo pi fon nan klasman an. Pou evite pèdi espwa, yo rive kouri dèyè malediksyon an lakay yo devan fanmi ekip la (1-0) kont Śląsk II ki pa t kapab anpeche sa.

Pou montre swaf Donald te genyen ak koyekipye li yo, Hutnik pran 6 katon jòn nan rankont lan tèlman ekip la t ap defann ak tout nanm yo pou fini ak viktwa a. Wilde-Donald Guerrier ki ap eseye wè kòman li kapab sedwi seleksyonè ayisyen an, toujou gade kòman li ka livre batay yo chak fwa okazyon an prezante. Men sa pa anpeche antrenè a retire l nan rankont yo lè moman prezante.