Fè yon pi bèl eksperyans sou platfòm GolAyiti a. Aplikasyon mobil nou an pi rapid, pi fasil pou itilize epi li gen jwèt sou li ak enfòmasyon sou lejand Ayisyen yo ak klèb lokal yo.
Wikenn sa, match avanse seri ouvèti 4èm jounen Ligue Haïtienne Football la lanse ak plizyè rankont. Sou Parc Antoine Levelt Saint-Marc la, Cosmopolites FC konnen yon echèk fas Racing foutbòl klèb Gonayiv nan 4èm jounen chanpyona nasyonal D1 an.
Wikenn sa, match avanse seri ouvèti 4èm jounen Ligue Haïtienne Football la lanse ak plizyè rankont. Sou Parc Antoine Levelt Saint-Marc la, Cosmopolites FC konnen yon echèk fas Racing foutbòl klèb Gonayiv nan 4èm jounen chanpyona nasyonal D1 an.
Aprè klèb Cosmopolites la te pase 2 sezon absan nan konpetisyon nasyonal yo, yo fè gran retou yo pou sezon sa. E pandan yo tounen an, klèb sa ki pa gen lòt filozofi se pase balon, deja konte yon defèt, yon viktwa ak yon match nil san bliye rankont anreta ki ba l 4 pwen.
Nan sa kont Racing Gonayiv la, klèb Cosmopolites la ofri piblik la yon plezi nan fason yo fè balon an sikile. Men pou otan, klèb la rive pote danje nan kan advèsè a yon sèl fwa sou yon chout ki pa t deranje gadyen Racing lan.
Vizitè yo ki t ap eseye devye taktik Cosmo a, te eseye jwe yon foutbòl ki pi dirèk fason yo te itilize 3 ou kat pas pou ale e mete presyon sou ekip lokal la. Malgre tout tantativ sa yo, Racing pa t kapab fè filè a souke sa ki fè rankont lan fini (0-0).
Match sa ki pa t gen gòl, te gen 2 katon wouj youn pou chak ekip yo. Anvan lòt match ki gen pou jwe nan jounen an, Racing okipe dezyèm plas la ak 6 pwen pou 4 match jwe alòske Cosmopolites 3èm ak 4 pwen pou 3 rankont.
Pa rate nouvèl ak analiz sou foutbòl an Kreyòl gras ak nou