SerieA

Atakan brezilyen an Neymar Jr ki sot frape nan pye l semèn pase a te jwenn lòd pou repoze l pandan tout rès ane 2025 lan selon doktè li. Yon pawòl Neymar voye jete byen lwen epi jwe ayè pou Santos fas ekip Sport la epi make yon gòl.

Ansyen jwè FC Barcelone lan te titilè nan atak la pou Santos ki ap jwe dènye match sa yo pou sove sòti nan tablo wouj la ki se wout relegasyon an.

Pandan doktè te entèdi Neymar pou l pa jwe foutbòl, se ak anpil sezisman jwè Santos yo wè Neymar vini nan antrènman. Bagay yo pa t rete la jwè a ki ap kite klèb la nan fen ane a manke 2 match pou sove ekip la pou li pa desann nan divizyon enferyè.

Nan match la Neymar ki te titilè make premye gòl Santos la fas ekip Sport la nan 25èm minit. Aprè ouvèti eskò Santos ta pral make 2 lòt gòl pami yo yon otogòl.

Malgre li pa fin anfòm Neymar te jwe 90minit nan match la, li make yon gòl epi bay yon pas gòl. Li fini pi bon jwè match la.

Kanta pou Santos pou kounya yo plase 15èm ak 41 pwen. Yo rete 2 jounen pou konnen si yo ap relege oubyen si yo ap rete nan pi wo nivo a.