PremyeDivizyon

Bèl kolonn yo kont 4×4 la se youn nan pi gwo dèbi ki genyen nan peyi a. Ligue Haïtienne Football la pral asiste ak 100èm match ant 2 ekip sa yo ki sòti nan vil Senmak nan kad 4èm jounen an chanpyona nasyonal la.

Chanpyona nasyonal la pral asiste ak youn nan pi gwo match ki toujou jwe nan peyi a ant 2 rival ki sòti nan menm vil. Tempête FC (Bèl kolonn) ak Batimore SC (4×4) se gwo dèbi ki pral gen pou fèt nan 4èm jounen LHF la sezon sa.

2 ekip sa yo jwe deja 99 fwa, se Tempête FC ki patron dèbi sa a ak 28 viktwa. Pandan Baltimore SC bò kote pa l fè 26 viktwa epi yo fè 45 match nil.

Yon estatistik ki montre tout enpòtans ak valè yon match tankou Tempête FC ak Baltimore SC genyen. Ekip sila yo deja kòmanse mete animasyon sou rezo a pou anonse bèl match sa.

Match sila ap jwe nan Parc Levelt la nan lè 3è demen 30 novanm lan.