Ekspatriye

Daprè jounal ayisyen Ticket Magazine, atakan ayisyen Franco Célestin twouve l nan peyi Espay kote l tanmen depi ayè mèkredi an yon estaj avèk klèb espanyòl Real Racing Club Santander a.

Jwè Mount Pleasant Academy an ki te patisipe avèk seleksyon nasyonal ayisyèn lan nan Mondyal U-17 lan nan peyi Kata, twouve l nan peyi Espay pou jiska 14 desanm kote l ap gen pou montre talan l.

Klèb dezyèm divizyon espanyòl lan envite atakan ayisyen 17 lane an nan enstalasyon pwofesyonèl li an pou kapab wè jwè an pandan 2 semèn sa yo, daprè responsab NXT19 Sports Agency an, ki se ajans k ap jere jwè a.

N ap raple, Franco Celestin fòme nan Leg-AZ, avan l te pran direksyon Jamayik kote l ap evolye nan akademi klèb jamayiken an, avèk plizyè patisipasyon nan chanpyona pwofesyonèl Jamayik lan.