PremyeDivizyon

Rès premye jounen Chanpyona Nasyonal D1 espesyal 2025 lan ap rapouswiv ak yon bèl afich nan gwoup Latibonit lan kote Baltimore SC ap resevwa Triomphe AC a nan Parc Antoine Levelt Saint-Marc. Match sa a genyen anpil enpòtans pou de (2) ekip yo, sitou Triomphe AC ki gentan jwe yon match nan gwoup la kont Tempête FC nan wikenn pase a.

Chanpyona Nasyonal D1 espesyal 2025 lan ap bannou yon gwo afich nan Gwoup Latibonit lan, kote Baltimore SC ap akeyi Triomphe AC nan Parc Antoine Levelt, nan vil Saint-Marc. Match sa a fikse pou demen 27 mas la ak 5è nan aprèmidi.

Baltimore SC ki genyen Ernso Datus kòm antrenè vle montre dominasyon li sou teren lakay li. Nan yon lòt bò, Triomphe AC, ki deja jwe yon match kont Tempête FC nan wikenn pase a (1-1), ap chèche premye viktwa li nan sezon an pou mete presyon sou lòt ekip yo nan gwoup la.

Yon match ki genyen tout gou, kote estrateji ak motivasyon pral fè diferans lan. Men moun chak ekip yo konvoke pou dyèl sa:

○ Baltimore SC (Antrenè: Ernso Datus)

• Gadyen: Dona Doni Camille ak Juvensky Sertil

• Defansè: Duckenson Régistre, Duckenson Louis, Peterson Fils-Aimé, Sauvens Paul, Renaldo Hilaire, Erlander Olonvil ak Taloute Rodolphe.

• Mitan teren: Dervens François, Stravinsky Dupiton, Wendy Saint-Juste, Adelson Bélizaire ak Alexandre Rempart.

• Atakan: Fritz Bertrand, Gregory Saint-Fleur, Amstrong Leconte, Peterson Joseph Jr, Donley Charles, Mervens Stamar ak Eddyson Dorcelant.

○ Triomphe AC (Antrenè: Dextra Micolson)

• Gadyen: David ak Dieulet

• Defansè: JnGilbert, Yves, Rooster, Mackly, Yves ak Ismael.

• Mitan teren: Billengsley, Evens, Anderson, Silvio, Guivensley ak Francky.

• Atakan: Fetersen, Schwetskov, Guivenson, Herode, Stwencher ak Bermane.

Baltimore SC pral chèche kòmanse sezon an ak yon bèl viktwa lakay li, pandan Triomphe AC vle sòti ak yon bon rezilta pou kontinye batay la aprè premye match nil yo te fè kont Tempête FC. 5è apremidi a, tout je ap fikse sou Parc Antoine Levelt pou wè ki ekip ki pral sòti ak 3 pwen an.

KÒMANTÈ

Dènye atik yo