PremyeDivizyon

Jedi 27 mas 2025, America des Cayes resevwa ekip Cavaly A.S sou tèren Land des Gabions pou jwe premye match li nan chanpyona espesyal ayisyen an. Klèb Leyogàn nan ki te tonbe nan premye sòti pa l la, sove yon pwen nan dezyèm sòti li kont Kòlòs yo ki jwe premye match yo.

Jedi 27 mas 2025, America des Cayes resevwa ekip Cavaly A.S sou tèren Land des Gabions pou jwe premye match li nan chanpyona espesyal ayisyen an. Klèb Leyogàn nan ki te tonbe nan premye sòti pa l la, sove yon pwen nan dezyèm sòti li kont Kòlòs yo ki jwe premye match yo.

Dezyèm edisyon chanpyona espesyal ayisyen an kote zòn Sid la genyen 3 Klèb. America, Cavaly ak Juventus. Nan afwontman, chak ekip sa yo ap genyen pou jwe 1 match ale ak 1 retou youn kont lòt.

Sou premye fas a fas Kòlòs yo, Leyoganè yo rache yon pwen lakay kayen yo gras ak yon match nil (0-0). Nan rankont sa, 2 klèb yo ki konn abitye jwe bèl foutbòl, pa rive chame piblik la ak stil jwèt yo ditou. Pandan plizyè fwa, jwè Kòlòs yo ak blan e wouj yo ki ta dwe mete balon atè pou òganize jwèt la te plis lage kò yo nan big bang sa ki te fè jwèt la pèdi tout cham li.

Sou yon lòt bò, nou kapab di se te yon kesyon fizik, paske se plis kout kò, pye rèd san nou pa bliye kout koud ki te fè jwè yo vle mete men pandan plizyè fwa. Men, gras ak konpreyansyon kèk jwè ki genyen matirite ak metrize yo te arive kalme frè ekip yo.

Avèk yon defèt nan premye jounen Cavaly a epi yon match nil nan dezyèm lan, klèb site Anacaona a konte yon pwen nan klasman zòn Sid la. America ki genyen randevou ak Juventus dimanch pou dèbi kayen an genyen yon pwen pandan Solo yo genyen 3 pwen pou moman an.

KÒMANTÈ

Dènye atik yo