SeleksyonNasyonal

Jwez yo nan seleksyon nasyonal ayisyèn lan ateri nan lakou Beliz jodi madi 25 novanm 2025 lan kote y ap gen pou jwe dimanch 30 k ap vini la kont seleksyon lokal la nan kad premye faz CONCACAF pou eliminatwa Mondyal 2027 lan.

Malgre lapli t ap tonbe, medam Grenadye yo ansanm ak tout estaf teknik lan ki gen nan tèt li Malou Quignette rive nan peyi karibeyen sa aprè yon trajè kote majorite nan yo sòti an Ewòp.

Nan yon videyo apèn yon minit federasyon ayisyèn foutbòl pibliye sou kont ofisyèl li yo, nou te gen posiblite wè jwez yo k ap kite ayopò an nan lakou Beliz pou rann yl nan otèl kote seleksyon nasyonal lan ap rasanble a.

Pou match sa, Malou Quignette konvoke yon lis 23 jwez, ladan yo Claire Constant ak Roxanne Vilain ki retounen nan ekip nasyonal lan. https://golayiti.com/AYITI/SeleksyonNasyonal/Foutb--l-fanm---23-Grenadye-konvoke-pou-demare-premye-faz-eliminatwa-Mondyal-2027-lan

Nan premye faz sa, ekip nasyonal lan nan gwoup D ansanm avèk Repiblik dominikèn, Sirinam, Beliz epi Angiya. Premye nan gwoup lan ap kalifye pou al jwe dènye faz lan k ap bay dwa pou al jwe faz final Mondyal 2027 la nan peyi Brezil.