Fè yon pi bèl eksperyans sou platfòm GolAyiti a. Aplikasyon mobil nou an pi rapid, pi fasil pou itilize epi li gen jwèt sou li ak enfòmasyon sou lejand Ayisyen yo ak klèb lokal yo.
Nan mizajou ki fèt nan klasman CONCACAF lan jodi mèkredi 26 novanm 2025 lan, seleksyon nasyonal ayisyèn lan pran 2 plas anplis, ki pèmèt li klase pou kounya 7èm.
Aprè kalifikasyon pou faz final Koup Dimond 2026 lan, Ayiti fè yon bon monte nan klasman sa ki pèmèt li vini nimewo 7 nan nasyon karibeyèn yo. Grenadye yo pase devan Jamayik ki te okipe plas sa pandan lontan.
Seleksyon nasyonal ayisyèn lan ki genyen 2 dènye match li yo nan eliminatwa Mondyal la kont Kostarika ak Nikaragwa, genyen nan mizajou klasman CONCACAF lan 1501 pwen nan 7èm plas lan.
Ayiti pase dèyè Onndiras ak Kostarika ki se youn aprè lòt 6èm ak 5èm nan klasman sa. Pou seleksyon nasyonal ayisyèn lan te jwenn kalifikasyon istorik sa, Grenadye yo te oblije fini premye nan gwoup yo te ye devan 2 nasyon nou sot site yo plis Nikaragwa.
Pa rate nouvèl ak analiz sou foutbòl an Kreyòl gras ak nou