Serie A

Ansyen entènasyonal fransè a ki te genyen entèdiksyon jwe foutbòl pandan 4 lane akoz yon akizasyon pou dopaj, ta dwe kapab reprann aktivite pandan lane 2025 lan aprè desizyon TAS pran jodi vandredi a ki mete pèn lan a 18 mwa.

Paul Pogba ap genyen otorizasyon rejwe foutbòl apati mas 2025 aprè sanksyon ki te tonbe sou do l depi 2023 akoz li te pozitif aprè yon tès testostewòn nan match sa ki te mete fas pou fas Juventus ak Udinese.

Yon desizyon ki siprann anpil moun kote 4 lane sanksyon an pase pou kounya a 18 mwa. Sa ki pral pèmèt mitan tèren fransè 31 lane an rekòmanse jwe nan kèk mwa ankò, prensipalman nan mwa mas k ap vini la.

N ap note, Paul Pogba se jwè Juventus Turin, e sou kontra jiska 2026. Gran kesyon an, èske l ap tounen sou koulè Bianconeri an nan mwa mas la?

KÒMANTÈ

Dènye atik yo