PremyeDivizyon

Tempête FC kontinye prepare sezon 2026-2027 D1 Paryaj Lakay la. Klèb Senmak la anonse ofisyèlman arive defansè Paul Sauvens ak milye ofansif Stamar Mervens, de jwè ki sòti nan Baltimore SC.

Nan yon anons klèb la pibliye sou sit ofisyèl li, Tempête FC konfime angajman de nouvo jwè sa yo, ki pral pote koulè « Bèl Kolòn » yo pandan pwochen sezon an. Avèk yon defansè ak yon milye ofansif, ekip ble e blan an ap chèche ranfòse diferan sektè nan jwèt li.

De mouvman sa yo antre nan kad preparasyon Tempête FC ap fè pou pwochen sezon an, pandan direksyon klèb la ap travay pou mete yon ekip ki kapab defann koulè li epi reponn ak objektif espòtif li yo.

Komite egzekitif la, estaf teknik la ansanm ak tout fanmi Tempête FC a swete Paul Sauvens ak Stamar Mervens byenvini epi swete yo anpil siksè anba koulè ble e blan yo.