PremierLeague

Achte manje w ka kwit. Direksyon klèb Aston Villa a byen konprann konsèp sa a. The Villans yo te fè vini atakan espanyòl Marco Asencio ki te nan klèb Paris Saint-Germain an ak Marcus Rashford ki li menm te nan ekip Manchester United la kòm ranfò pou rès sezon an.

Jwè sila yo vin mete yon ti piman anplis nan manje a pou The Villans yo ki te deja gen yon bon ekip kolektif. San jwè sa yo pa t menm ko vini yo te gentan jwenn kalifikasyon yo pami 8 ekip ki te pase depi anlè pou 8èmfinal Champions League la.

2 jwè sa yo ki 2 jwè ki vini ogmante presyon atak ekip Aston Villa a. Nan 26èm jounen an, Unai Emery te itilize 2 jwè sa yo pou kwoke chòt Enzo Maresca ak Chelsea.

Klèb Blues Lonn yo te jwenn ouvèti eskò a byen bonè nan match la (9èm minit sou pye Enzo Fernandes).

Men yon mastèklas de pè Asencio/Rashford la ta pral chabande bato a sou bò Chelsea a. Atakan anglè a bay atakan espanyòl la 2 pas gòl pou pèmèt Aston Villa ranpòte match la fas Chelsea (2-1), 2 jwè sa yo se pini Chelsea.
Nan klasman Premier League la Chelsea nan 6èm plas la ak yon pwen anplis Aston Villa ki nan 7èm plas la.

KÒMANTÈ

Dènye atik yo