Ekip Catalan an nan gwo lapèn pandan yo t ap prepare match kont Osasuna a jodi a.
FC Barcelone nan yon kominike anonse lanmò doktè yo a Carles Minaro ki t ap fè yon ti dòmi aprèmidi a ki pa gen chans reveye.
Tout bagay te prèske prè pou ekip Barcelone lan al jwe match kont Osasuna a aprèmidi a. Menm lis jwè ki t ap kòmanse yo te gentan bay. Doktè a te manje byen pwòp ak ekip la epi pandan yon ti moman repo kote li al fèmen je l pou fè yon ti dòmi, Carles tou ret dòmi nèt.
Jwè yo ki te sou gwo chòk finalman mande repòte match la paske yo pa t santi yo genyen fòs pou jwe.
Nbap raple Hansi Flick te menm gentan bay 11 titilè a anvan aksyon sa pase.
Pa rate nouvèl ak analiz sou foutbòl an Kreyòl gras ak nou