Ligue1

Atakan danwa sa ki rejwenn AS Monaco pandan mache ivènal la pa sispann fè koze nan Ligue 1 an. Ansyen jwè Sturm Graz lan enskri yon nouvo triple nan viktwa monegas yo fè jodi samdi an fas Stade de Reims lan (3-0).

Atakan danwa sa ki rejwenn AS Monaco pandan mache ivènal la pa sispann fè koze nan Ligue 1 an. Ansyen jwè Sturm Graz lan enskri yon nouvo triple nan viktwa monegas yo fè jodi samdi an fas Stade de Reims lan (3-0).

Daprè Stats Foot, yon platfòm ki spesyalize nan kesyon statistik, Mika Biereth vini premye jwè ki reyisi enskri 10 gòl sou 7 premye match li avèk yon ekip sou 70 dènye lane sa yo.

Yon rekò ki menm devanse lejann syedwa a, Zlatan Ibrahimovic, ki te genyen l anvan sa avèk 9 gòl sou 7 premye match li yo avèk Paris Saint-Germain.

Avèk menm pèfòmans sa, atakan AS Monaco an vini egalman premye jwè ki rive reyalize twa triple nan Ligue 1 an sou yon grenn sezon depi 1976. Dènye jwè ki te fè sa se te Delio Onnis.

Pou fini, Mika Biereth se tou twazyèm jwè ki rive fè gòl nan 4 premye match sou koulè AS Monaco nan Ligue 1 an depi ane 2000 avèk Oliver Bierhoff epi Wissam Ben Yedder nan lane 2019.

KÒMANTÈ

Dènye atik yo