Lòt

Depi aprè katon wouj Théo Hernandez te fin pran pou fent li te fè nan match baraj Ligue des Champions fas Feyenoord lan, bagay yo kòmanse dejenere ak fanatik e dirijan klèb la.

Depi aprè katon wouj Théo Hernandez te fin pran pou fent li te fè nan match baraj Ligue des Champions fas Feyenoord lan, bagay yo kòmanse dejenere ak fanatik e dirijan klèb la.

Dizwit fevriye pase a, Milan AC ki te deja pèdi match ale baraj C1 an 1-0 fas Feyenoord, te fè yon nil 1-1 pou retou a. Pandan rankont lan t ap jwe, klèb italyen an ki te genyen avantaj eskò a byen bonè nan match la, te oblije jwe an mwens aprè yon katon wouj lateral goch fransè a te pran pou similasyon. Nan faz sa, ekip la te redwi ak 10 e te gen yon vid. Advèsè yo ki te konpran sa, pa t rate okazyon pou pwofite e jwenn egalizasyon pou elimine italyen yo.

Depi lè sa, tout moun kondane jwè fransè a paske pou anpil nan yo, se li ki koz echèk sa. Poutèt sa, dirijan plis fanatik pa sispann kritike Théo pou pèfomans li ak atitid li. Fas ak sitiyasyon sa, laprès nan peyi Itali fè konnen direksyon Milanè a pran desizyon pou retire tout ide pwolongasyon pou fransè a ki genyen kontra l ap bout nan mwa jen 2026.

Kòm konsekans, Rossoneri yo pouse ansyen jwè madrilèn lan deyò pou mèkato estival lan jis pou li pa ale lib nan yon lane aprè. "Nou p ap ka kite sa rive pou yon jwè ale gratis", pawòl direktè teknik Milan Geoffrey Moncada, sou sijè trikolò a, daprè sa jounalis Fabrizio Romano fè sòti. Avèk desizyon sa, nou kapab kòmanse pale sou dènye avanti Hernandez ak klèb italyen an.

KÒMANTÈ

Dènye atik yo