SerieA

Randal Kolo Muani yon sovè pou Juventus Turin

Bagay yo pa t tèlman bon pou li anndan ekip Paris Saint-Germain an, aprè tout negosiyasyon Randal Kolo Muani te oblije enstale l nan ekip Juventus la kòm yon bon sovè, entènasyonal fransè an parèt tou limen,li deja kòmanse misyon l ak ekip Juventus la.



Kolo Muani te jwe premye match li sou koulè Juventus nan dat 25 janvye malge Juventus te tonbe 2-1 devan Napoli, se li ki te fè gòl Juventus la, pou dezyèm match li fas Empoli li te fè de (2) gòl nan dat de (2) fevriye a Juventus Turin te bat 4-1.



Jodi 7 fevriye a, Juventus te deplase pou jwe 24èm jounen chanpyona a fas Como nan estad Giuseppe Sinigaglia, fransè a te ouvè eskò a nan 34èm minit aprè Nicolas Gonzalez te ba l yon pas, Como te egalize nan 45+1 minit, e te sòti pou mete Juventus an danje, ekip Como a te poze Thiago Motta anpil kesyon nan premye peryòd la.



Dezyèm peryòd la te sere tou de kote yo, kòm yon bon sovè, Randal Kolo Muani te transfòme yon penal nan 89èm minit pou bay Juventus Turin avantaj 2-1, fransè a enskri 5èm gòl li pou 3 match jwe anndan ekip Juventus la.

KÒMANTÈ

Dènye atik yo