SerieA

Jedi 27 fevriye a, Milan AC pèdi 2-1 sou tèren Bologne nan match anreta 9èm jounen chanpyona a, aprè defèt sa Milan fikse l nan 8èm plas klasman an, li genyen 16 pwen anmwens Inter ki premye.

Defèt sa deranje chita Sergio Conceiçao ki ap kòmande ban touch ekip Milan an, li te deja pèdi 2-1 fas Torino nan 26èm jounen an.

Se Rossoneri yo ki te ouvè eskò a ak Rafael Leao nan 43èm minit, Rossoblu yo te kreye kèk bèl okazyon, 25èm minit ak Dan Ndoye epi Benjamin Dominguez 33èm ak 38èm minit.

Yo te jwenn filè byen bonè nan dezyèm peryòd la nan 47èm minit, Santiago Castro pa t bay okenn chans sou yon koufran ki te mal jere pa defans ekip Milan an 1-1. Bolonè yo te mete dènye gout dlo a pou chavire match la nan 82èm minit Dan Ndoye te fè gòl 2-1 an.

Match sa te dwe jwe 24 oktòb 2024, li te ranvwaye pou rezon meteyolojik.

KÒMANTÈ

Dènye atik yo