SerieA

Aprè l fin elimine fas Feyenoord nan baraj Ligues des Champions, Milan tonbe yon lot fwa sou teren Torino 1-2, samdi 22 fevriye a nan okazyon 26èm jounen chanpyona a . Mike Maignan gen men l tranpe nan youn nan gòl Milan akòz Malick Thiaw te bay tèt li gòl.

Mike Maignan, te fotif nan match ale baraj Ligue des Champions nan dat 12 fevriye a Milan te tonbe 1-0, li nan retou a Milan tonbe 2-1 Théo Hernandez te pran yon katon wouj. Jodi samdi a Milan tonbe yon lot fwa ankò se nan okazyon 26èm jounen chanpyona Itali a, . Gadyen fransè a fè yon erè nan 5èm minit, sou yon degajman ki te long Maignan sòti pou degaje boul la e boul ta te kontre nan kò Malick Thiaw pou te rantre nan kan l Milan AC bay tèt li gòl.

Milan te domine yon pati nan premye peryòd la, ti mesye Sergio Conceiçao ap dirije yo te ka jwenn chanas egalize sou penal, Christian Pulisic te choute ,Milinkovic-Savic te di epa kounya li bloke penal la, aksyon sa te pase nan 33èm minit. Sergio Conceiçao te retire Rafael Leao sou teren nan 46èm minit, se fransè a Youssouf Fofana ki te ranplase l , ansyen mitan teren Monaco a te mete yon chout nan 57èm minit gadyen an te fè echèk avè l, Joao Felix te jwenn poto nan 70èm minit.

Milan te jwenn egalizasyon nan 74èm minit se Tijjani Reijnders ki te make. Torino te fache ekip la pa t pran tan pou aji, nan 76èm minit Gvidas Gineitis te pèmèt Torino selebre 2-1. Aprè rezilta sa Milan AC rate okazyon pou monte nan 6èm plas klasman an devan Fiorentina ki genyen 42 pwen, Torino te rete sou 5 match san viktwa li retire giyon an sou li e li pase nan 11èm plas la ak 31 pwen.

KÒMANTÈ

Dènye atik yo