SerieA

Aprè PSV te mete l deyò nan Ligues des Champions mèkredi ki sot pase a, Juventus pwofite monte pami 4 premye nan klasman an lè li bat Cagliari sou teren l 1-0 Jodi dimanch lan, nan okazyon 26èm jounen chanpyona a, yon operasyon ki mennen Thiago Motta ak twoup li nan plas kalifikayon dirèk pou Ligue des Champions .

Juventus Turin te konte sou Kolo Muani depi nan kòmansman janvye a fransè a te kopòte l kòm sèl sovè tirinwa yo pandan Dušan Vlahović te rete bèbè. Nan match jodia sovè a te Dušan Vlahović ,li se inik bitè match la , li te pwofite aprè Yerry Mina te pèdi yon boul nan 30 mèt la nan 12èm minit pou ouvri eskò a .

Juventus pa t rive monte eskò a, sa ki pa t mete l nan bon pozisyon pandan tout rès match la, si se pa t yon aksyon klè Florinel Coman rate Juventus te kapab pran gòl nan 83èm minit, men listwa te opoze ak egalizasyon sa e bay Juventus 3 pwen pou chita nan 4èm plas klasman an ak 49 pwen

KÒMANTÈ

Dènye atik yo