ChampionsLeague

Reds yo bay yon gwo sezisman nan 8èmdefinal Champions League la. Yon sipriz okenn moun pa t rive atann. Paris Saint-Germain elimine Liverpool nan 8èmdefinal Champions League la.

Avèk yon gwo faz gwoup kote Liverpool te fini premye, anpil moun te atann ekip sa a se yon gwo kandida pou ranpòte pi gwo chanpyona klèb yo pou sezon sa.

Ekip Arne Slot a te deja bay kè kase pou jan yo te abòde match ale a nan Parc des Princes lan. Estatistik yo te vrèman pa t bon pou Reds yo. Men sa pa t anpeche yo retounen nan peyi yo ak 3 pwen an lè yo te bat fransè yo nan fen match la (0-1). Pandan tout match sa Reds yo te choute 2 fwa nan kan Donnaruma a, nan 2 chout sa yo yo te jwenn yon gòl sou youn. Pandan fransè yo te choute 22 fwa sou Alisson Becker. Pou match sa a, gadyen brezilyen an se te sovè Liverpool.

Nan match retou a nan Anfield la, bak la ta pral chavire pou Reds yo. Tan reglemantè match la te fini 0-1 nan avantaj fransè yo gras ak Ousmane Dembélé. Sa ki t voye match la nan penalite. Rive nan seyans penalite yo parizyen yo ta pral genyen 4-1. Reds yo te rate 2 penal nan 3 yo te genyen chans choute yo.

Malgre 7 arè Alisson Becker nan match la, li pa t rive sove bato Reds yo ki koule nan pwòp estad yo nan peyi Angletè.

KÒMANTÈ

Dènye atik yo