ChampionsLeague

Penalite Julian Alvarez ki se atakan Atletico a kontinye ap fè pale anpil. UEFA foure bouch nan sa e admèt desizyon abit la kòrèk.

Match retou dèbi madrilèn lan nan Champions League la kite anpil pale aprè 2 ekip yo te fin rive nan seyans penalite.

Tout bagay te kòmanse byen pase, bagay yo pral vire se lè abit la anile chout penalite Alvarez la malgre li te fin gòl. Selon VAR la jwè a te touche balon an 2 fwa.

Klèb Atletico Madrid la te drese ankèt li devan UEFA pou mande esplikasyon selon sa UEFA fè konnen nan yon kominike.

"Malgre sa piti, men jwè a te touche balon an avèk pye ki te sèvi l kòm apwi a anvan li choute jan videyo a montre sa. Selon règ ki anplas yo (Lwa 4.1 jwèt la) VAR genyen rezon sinyale ak abit la pou li anile gòl la" Selon sa ki di nan kominike UEFA a.

Yon lòt bò UEFA fè konnen yo pral chita pale ak FIFA ak IFAB pou yo gade si yo dwe fè yon revizyon sou règ sa a nan ka si lè jwè a touche balon an plis pase yon fwa pa nan volonte jwè a.

KÒMANTÈ

Dènye atik yo