SaudiProLeague

Apre 5 lane pase nan peyi Itali, lateral goch fransè a Théo Hernandez te kite peyi Itali pou rejwenn Arabi Sawoudit. Sou chwa sa, ansyen Milan AC a te depoze valiz li nan klèb Al-Hilal pou 25 M€ nan dat 10 jiyè 2025.

Apre 5 lane pase nan peyi Itali, lateral goch fransè a Théo Hernandez te kite peyi Itali pou rejwenn Arabi Sawoudit. Sou chwa sa, ansyen Milan AC a te depoze valiz li nan klèb Al-Hilal pou 25 M€ nan dat 10 jiyè 2025.

Depi lè Théo fin rejwenn klèb la, li rive jwe 2 match ak ekip la nan SPL la. E nan dezyèm demaraj li ak ekip la, jwè a te titilarize fas chanpyon Azyatik yo pou 3èm jounen Saudi Pro League la. Kòm dabitid, fransè a ki te bitè nan semèn lan pou te ede ekip li genyen nan premye jounen Ligue des champions Azyatik la (2-1) kont Al Duhail, fè talan bitè li pale pou yon lòt fwa ankò. Fwa sa, se pou premye fwa nan chanpyona Arabi a.

Kont Al-Ahli ki fè nil 3-3 kont ble yo, ansyen Madrilèn lan te louvri eskò a sou yon pas Malcom pou te pèmèt ekip la mennen. Pi devan nan premye peryòd la, Malcom te fè 2 gòl pou bay avantaj lan ak Al Hilal (0-3). Dezyèm peryòd, Ivan Toney 2 gòl ak Demiral youn, te mete yo ak egalize pou te pèmèt ekip la evite defèt sa. Gras ak 2 pas gòl Riyad Mahrez Al-Ahli fè (3-3) kont ekip Simone Inzaghi a.

Théo ki apèn rejwenn klèb la ki deja bitè 2 fwa ak yo, te fini rankont lan sou ban malgre pèfomans li te bay la.