Ekspatriye

Entènasyonal ayisyen an Jean Jairo Estephano ap jwe nan klèb Garudayaksa a nan peyi Endonezi. Grenadye a jwe premye match li ak klèb la.

Mitan tèren ayisyen an Jean Jairo Estephano ki gen 28 lane ap jwe pou sezon sa a ak klè Garudayaksa a nan peyi Endonezi. Jwè ayisyen an siyen nan klèb sila a depi 15 septanm lan, li jwe premye match li jodi samdi 10 oktòb la e li pèdi l 2-1.

Anvan sa, Grenadye a t ap jwe nan peyi Libi nan klèb Military Union lan. Klèb Garaduyaksa a se yon klèb premye divizyon nan peyi Endonezi.

Pou premye match li ak klèb la Grenadye a te jwe tou 90minit match la malerezman li pa t ni make ni fè pas gòl pandan l t ap konstate defèt ekip li. Jairo jwe deja 4 fwa pou seleksyon nasyonal la malerezman li pa t make.