Ekspatriye

Klèb fanm peyi Risi a Zenith Saint Petersbourg jwe plizyè match san atakan entènasyonal ayisyèn lan Kiki.

Fanm grenadye a ki te yon pyès enpòtan anndan ekip sa poko menm nan fèy yon grenn match ekip la pou sezon an. Klèb la deja jwe anviwon 15 match nan chanpyona a san prezans fanm kreyòl la.

Women's Super League la gentan sou 17èm jounen l. Shwendesky Marcelus Joseph ki rejwenn klèb la depi 2022 poko jwe yon grenn match nan chanpyona a ak klèb la.

Dènye fwa natif Delma a te monte tèren foutbòl se depi 25 jiyè pase a nan kadefinal koup fanm peyi Risi a kote li te make yon gòl.

Okenn enfòmasyon pa bay pou konnen si jwèz la blese oubyen si se lòt pwoblèm li genyen.