PremyeDivizyon

Baltimore SC ranpòte yon bèl viktwa 2-1 jodi mèkredi an sou FICA nan yon match kote ekip Senmak la te byen metrize, prensipalman gras avèk atakan yo an, Amstrong Leconte, ki fè tou 2 gòl yo.

Jèn entènasyonal ayisyen U-20 an se te prensipal ewo rankont sa ki jwe nan Pak St Victor an avèk double sa li make an ki te pèmèt Baltimore SC mennen 2-0 byen rapid.

Avèk pèfomans sa, jèn Grenadye an kontinye montre tout kapasite li genyen, pandan l ap enpoze tèt li kòm youn nan eleman enpòtan nan ekip Baltimore a gras ak efikasite li devan kan an.

Malgre grenn gòl sa meyè bitè chanpyona a, Sandinio Saint-Jean, te make nan fen match lan, sa pa t sifi pou FICA ki tou rate okazyon pou te rejwenn Violette AC nan final seri kloti chanpyona nasyonal premye divizyon an.