PremyeDivizyon

Premye jounen chanpyona nasyonal la te pote gwo distraksyon ak yon match FICA kont Tempête FC. Match la fini 1-1.

Match la te anonse cho sou rezo a ant ekip FICA a ak ekip Tempête FC a. Grafis tou 2 ekip yo t ap mete piman nan kò fanatik yo. Sa ki te vin fè match sa a te gen anpil atant.

Rankont sila a ki se premye match 2 ekip yo nan konpetisyon an fini sou yon eskò 1-1. Tempête FC ki sòti Senmak te louvri eskò a gras ak yon penalite depi nan 29èm minit Rosemond Olive te konvèti. FICA pa t pran tan pou te reponn gras ak Evenson Dalys nan 26èm minit. Sèlman 3 minit aprè Tempête te fin louvri eskò a.

Match la te fini konsa, Tempête te oblije kalme kòlè l pou l bay akolad ak Kolonb yo (Fière Colombe). FICA te mande pou tanpèt, tanpèt la parèt tou limen. Men sa pa t fè Kolonb lan pè, li te bat zèl li jouk li rive bay akolad ak tanpèt la. Nan menm fyète Fair Play la, grafis tou 2 ekip yo te montre nan yon imaj 2 maskòt yo ki ap bay lamen. GolAyiti salye jès senbolik sa.