CopaAmerica

Lautaro Martinez favori nimewo 1 pou Balon Dò an daprè Lionel Messi Yon semèn kèk jou anvan seremoni remiz Balon Dò an, Lionel Messi bay avi pa l sou pri sa ki daprè li menm ta sipoze ale jwenn atakan ajanten Inter Milan an, Lautaro Martinez. Chanpyon Serie A ak Copa America a kote l fini meyè bitè nan chak konpetisyon sa yo, Lautaro Martinez ta sipoze ranpòte Balon Dò 2024 la daprè Lionel Messi ki fè entèvansyon sa aprè viktwa Ajantin fas Bolivi an. « Lautaro te gen yon ane tèt chaje, li fè gòl nan final e li meyè bitè Copa America. Li merite Balon Dò an pase nenpòt lòt kandida. Mwen espere Martinez ap ranpòte Balon Dò an», deklarasyon chanpyon dimond ajanten an ki genyen 8 twofe sa nan palmarès li. « Si sa pa rive kounya pou li, mwen gen garanti sa ap vini pita », sa kapitèn ajanten an rapouswiv pou di sou atakan Inter Milan an ki efektivman fè pati jwè ki te plis briye pandan sezon pase an.

KÒMANTÈ

Dènye atik yo