CopaAmerica

Yon kalifikasyon an gwo ponyèt pou Kolonbi ki pral jwe demifinal Copa America Seleksyon kolonbyèn lan kraze Panama jodi samdi an 5-0 epi kalifye pou demifinal Copa America 2024 la. Kolonbyen yo swiv Ajantin ak Kanada ki yo menm te kalifye anvan sa. Gras ak yon gwo pèfòmans pou James Rodriguez ki enskri yon gòl epi bay 2 pas desizif, Kolonbi fè yon sèl bouche ak Panama nan kadefinal Copa America a epi kalifye pou rès konpetisyon an. Ansyen mitan tèren Real Madrid lan ki enskri premye gòl li nan konpetisyon an, ap jwe nan meyè fòm li, kote l deja livre 5 pas desizif sou 4 match li jwe deja yo. Bitè kolonbyen yo: Jhon Córdoba (8’) James Rodriguez (15’) penal Luis Díaz (41’) Richard Rios (70’) Miguel Borga (90+4’) penal Kolonbi ap tann nan demifinal ekip k ap genyen nan match Brezil-Irigwe k ap jwe nan sware samdi 6 jiyè 2024 la.

KÒMANTÈ

Dènye atik yo