CopaAmerica

Yon pèfòmans 10 sou 10 pou Lionel Messi Lejann ajanten an reyalize nan lannwit 15 oktòb lan youn nan meyè pèfòmans li avèk seleksyon Ajantin lan. Fas Bolivi, Lionel Messi enskri yon triple epi bay 2 pas desizif nan laj viktwa 6-0 Albiceleste an. Malgre l ap granmoun, atakan Inter Miami an pa pèdi anyen nan nivo konn jwe l. Bolivi vini kòm dènye viktim jeni ajanten an ki te pwofite enskri 10èm triple l avèk seleksyon Ajantin lan. Akote twa gòl sa yo, Lionel Messi fè egalman 2 pas desizif pou kouwonnen kalite pèfòmans wo nivo sa. Julián Alvarez ak Lautaro Martinez te byen benefisye nivo jenewozite Pulga a ki pa t ezite sèvi yo pou mete boul la nan kan an. Albiceleste an ki te rete sou 2 match san viktwa, rekòmanse genyen, sa ki pèmèt yo konfòte plas lidè yo nan eliminatwa mondyal 2026 la avèk 22 pwen aprè 10 jounen konpetisyon.

KÒMANTÈ

Dènye atik yo