SerieA

Lejann Real Madrid la, Luka Modrić, ki apèn siyen nan ekip Milan an aprè l fin jwe Mondyal Klèb yo, chwazi pou l pote nimewo 14, yon nimewo li te pote pou lanse karyè l nan chanpyona majè an Ewòp yo ak Tottenham.

Mitan tèren kowat la ki pral gen 40 lane nan mwa septanm k ap vini an te siyen yon kontra pou yon sezon epi opsyon pou yon sezon siplemantè ak Milan. Mayestwo a vin pote eksperyans li ak teknik li nan yon Milan ki nan yon faz rekonstriksyon ak nouvo antrenè yo a.

Luka Modrić pran nimewo 14 Tijjani Reijnders te kite lib aprè transfè l nan Manchester City.

Aprè yon karyè kòm jwè ki ranpòte plis twofe ak Real Madrid, Modrić fè konnen li vin nan "ekip li te konn sipòte lè l te timoun" nan e li "espere li pral selebre anpil viktwa nan San Siro a ak fanatik yo".

KÒMANTÈ

Dènye atik yo