transfè

Jan sa te anonse bò kote kèk medya, entènasyonal pòtigè a Joao Félix kite anglè yo pou ale depoze valiz li nan peyi Itali.

Jan sa te anonse bò kote kèk medya, entènasyonal pòtigè a Joao Félix kite anglè yo pou ale depoze valiz li nan peyi Itali.



Malgre tan sa te mete pou fèt, sa rive konkli jodi madi a. Milan AC konfime atakan pòtigè a Joao Félix ki genyen 25 lane sou tèt li vini nan ekip la. Anvan li entegre ekip Milan an, jwè a te deja patisipe nan 20 rankont ak ansyen klèb li pou 7 gòl make.



Ofisyèlman, Chelsea prete klèb italyen an ansyen jwè ATM lan pou 5,5 milyon ewo. Sa ki vle di prè sa bay posiblite pou milanè yo achte pòtigè a.



Avèk rekritman Joao Félix ak atakan Santiago Giménez ki sòti nan Feyenoord pou plis pase 35 milyon ewo, Warren Bondo ki koz Ismaël Bennacer oblije fè wout Olympique Marseille ak Riccardo Sottil ki t ap evolye nan klèb Fiorentina, Rossoneri yo espere mete plis foug nan atak yo a ki make 33 gòl sèlman nan 22 match Serie A pou sezon an.

KÒMANTÈ

Dènye atik yo