transfè

Yo souvan di nan lavi, gen kote ou ye li posib pouw viv tankou yon wa. Men, gen yon moman ou rive tout bagay kapab chanje. Lè sa, fòk ou gen moral ou anplas oubyenw lè w t ap viv tankou wa, ou te byen planifye vi w pou si pi devan ou ta gen obligasyon pou kite twòn sa.

Yo souvan di nan lavi, gen kote ou ye li posib pouw viv tankou yon wa. Men, gen yon moman ou rive tout bagay kapab chanje. Lè sa, fòk ou gen moral ou anplas oubyenw lè w t ap viv tankou wa, ou te byen planifye vi w pou si pi devan ou ta gen obligasyon pou kite twòn sa.



Konsa tou, n ap konprann chak kote ou ye se pa menm tretman, sa kapab akoz manke mwayen, oubyen pa gen apresiyasyon ak plizyè lòt rezon.



Neymar ki te nan yon pozisyon kote li t ap touche yon paktòl, gen obligasyon kounya pou aksepte reyalite moman. Nan Al Hilal, brezilyen an ki wè kontra li koupe ak klèb Arab la akoz blesi trayi l, siyen ak premye klèb li te kòmanse a nan peyi Brezil.



Angajman ak ekip Santos la vini pandan mèkato ivènal lan la. San okenn sipriz, atakan brezilyen an p ap ka benefisye menm salè a ak klèb kè l. Si nan zòn Azi a li t ap touche 8 milyon ewo chak mwa, ansyen baselonè a ap gen pou l touche 163 000 ewo chak mwa nan peyi lakay li. Sous ki bay enfòmasyon sa se "UOL Esporte". Li avanse pi devan pou l di talan selesawo an ap toujou konsève 90% dwa imaj li sa ki ap vin ba l yon salè estime 980 000 ewo pa mwa an total.

KÒMANTÈ

Dènye atik yo