transfè

Real Madrid ap swiv pwogresyon Nico Paz deprè

Li te kite Real Madrid pou enstale l nan Como ete ki sot pase a sou fòm prè, Nico Paz pa sispann montre bèl prestasyon l ak ekip Como a, yon pèfòmans ki kapab fè ajanten 20 lane a retounen nan lakou Espay pou vin pote koulè ekip Real Madrid la yon lòt fwa .



Pèsòn paka bliye chout deyò sifas ajanten an te fè sezon pase a pou te bay Real Madrid viktwa fas ekip Napoli a nan Ligues des Champions, depi lè sa yo t wè l pwomèt anpil, rive nan Como li pa t pran tan pou vini youn nan pyon enpòtan twoup Cesc Fabregas ap dirije a, li te jwe 8 fwa pou Real Madrid sezon pase Nico Paz sezi chans li nan peyi Itali.



Ajanten an pran yon plas titilè, statistik li se 6 gòl ak 4 pas desizif nan 23 match li jwe pou sezon an, daprè enfòmasyon Transfermarkt valè jwè a pase a 20 milyon ewo nan desanm 2024.



Selon Fabrizio Romano, Real Madrid ap swiv pwogresyon jwè a deprè.

KÒMANTÈ

Dènye atik yo