transfè

Real Madrid prezante Kylian Mbappé nan Santiago Bernabéu a Nan yon stad ranpli pou l krake, atakan fransè an, Kylian Mbappé, te prezan nan Santiago Bernabéu an pou prezantasyon ofisyèl li nan klèb sa li te toujou reve jwe depi l piti an. Anviwon yon mwa depi l siyen ak klèb madrilèn lan, kapitèn seleksyon Lafrans lan rejwenn Real Madrid aprè li te fin anonse li kite Paris Saint-Germain pandan fen sezon ki sot pase an. Kylian Mbappé, Real Madrid te toujou swete genyen depi plis pase twa lane, ateri finalman nan kapital espanyòl la kote l pral genyen pou jwe bò kote yon pakèt jèn chaje talan tankou Bellingham, Vinicius, Rodrygo, pou n site sa yo sèlman. « Se yon jwa pou yon timoun ki gen yon rèv, e ki vin reyalize konsa kote w pral dòmi kòm yon jwè Real Madrid. M ap sonje jou sa pou tout rès vi m », yon pati nan deklarasyon Kylian Mbappé pandan prezantasyon l lan. N ap raple, atakan fransè 25 lane trennen nan Real Madrid plis pase 6 sezon reyisi nan Paris Saint-Germain kote l rete kòm meyè bitè istwa klèb parizyen an.

KÒMANTÈ

Dènye atik yo