FACup

Manchester United bat Leicestee nan dènye minit nan FA CUP la. Gras yon gòl Maguire.

Nan kad katriyèm jounen FA CUP la nan peyi Angletè. Reds Devils yo te genyen randevou kont Leicester City ki genyen nan tèt li yon ansyen antrenè Manchester United ki se Van Nistelroy.



Match sa a ki t ap jwe nan Old Tradford la fini 2-1 nan avantaj ekip Manchester United la.



Nan match sa se Leicester ki te jwenn wout kan anvan, lè Bobby Decordova-Reid te louvri eskò a nan 42èm minit match la.



United te oblije tann jis 68èm minit pou Joshua Zirkzee te jwenn gòl egalizasyon an.



Se defansè anglè a, Harry Maguire ki delivre Reds Devils yo nan dènye minit tan adisyonèl match la 90+3, ki pèmèt Manchester United rache viktwa l epi rete an vi toujou nan konpetisyon an.

KÒMANTÈ

Dènye atik yo