Lòt

Avèk yon fòm tèt chaje, Al Hilal kontinye fè chimen l san pwoblèm nan Ligue Des Champions Azyatik la. E sa vini gras ak fòs ofansif ekip la ki p ap jwe fas yon ekip san yo pa sakaje filè ekip la. Kòm prèv yo ak yon seri 12 viktwa konsekitif ak 19 match san defèt nan diferan konpetisyon yo, ble yo ki t ap resevwa Al Shorta, apiye sou Marcos Leonardo pou gonfle 4 gòl nan kolèt vizitè yo.

Avèk yon fòm tèt chaje, Al Hilal kontinye fè chimen l san pwoblèm nan Ligue Des Champions Azyatik la. E sa vini gras ak fòs ofansif ekip la ki p ap jwe fas yon ekip san yo pa sakaje filè ekip la. Kòm prèv yo ak yon seri 12 viktwa konsekitif ak 19 match san defèt nan diferan konpetisyon yo, ble yo ki t ap resevwa Al Shorta, apiye sou Marcos Leonardo pou gonfle 4 gòl nan kolèt vizitè yo.

Depi aprè depa Alexandar Mitrovic anndan klèb Al Hilal la, entènasyonal brezilyen an Marcos okipe pwent atak klèb la pou sezon an. Pou pwouve antrenè a gen rezon fè l konfyans, nan chanpyona Arabi Sawoudit la, li jwe 6 rankont e bitè 6 fwa. Pou Ligue Des Champions Azyatik lan, atakan brezilyen an deja fè 3 gòl nan 5 match li jwe. Viktwa sa klèb Al Hilal la fè sou 5èm jounen C1 Azi a pèmèt li kontinye epresyone piblik la ki wè nan li youn nan jwè ki kapab ede ekip la.

Ble e blan yo kite deja ap kreye sansasyon nan fason yo ap eseye vole ak rekò, pa ezite a chak fwa okazyon pou fè pi plis toujou. Nan C1 an, yo konte yon total 15 pwen nan 5 match yo jwe. Poutan nan SPL la, pwoteje Simone Inzaghi yo fè 7 viktwa e 2 match nil sa ki fè yo dezyèm nan chanpyona a ak 23 pwen. Fas ak ekip sa ki vle kraze tout sa ki sou wout li, tout ekip k ap gen pou afwonte l dwe byen òganize si yo pa vle sibi imilyasyon.

Al Shorta ki pran (4-0) nan men klèb sawoudyen an konnen dezyèm defèt li fas yo. Premye fwa li te pran 5 e fwa sa li pran 4. Nan ansanm 2 match yo, li pran 9 gòl san li pa bay youn.